Motibo: e debe monstruoso cu Aruba a acumula durante mas di 30 aña.
Contra tur conseho di nos propio instancianan official di conseho y control, di banco Central y Hulanda, Aruba a sigui hinca su mes den mas debe pa paga personal di mas y financia proyecto fantasma.
Pesey Aruba no tawatin ningun reserva pa asumi ni sikiera e prome golpi di un crisis.
Awor…ken ta responsabel pa e situashon aki?
- E gobiernonan consecutivo cu structuralmente a gasta mas di locual a ricibi na entrada?
- Parlamento cu nunca a controla gobierno debidamente riba su patronchi di gasta placa?
- Partido politico cu ta fiha maneho di gobierno sin tene suficiente cuenta cu interes di comunidad?
- (Parti di) Pueblo di Aruba cu a pone exigencia pa trabou y otro privilegio di gobierno en cambio pa su voto y asina a contribui na e crisis financiero di Aruba?
- Hulanda, cu a respeta autonomia di Aruba demasiado y pesey a tarda mucho hopi pa interveni te ora cu e situashon a sali completamente for di man?
- Un combinashon di tur lo anterior?