- a viola ley, incluso Constitushon;
- a viola tur criteria di bon gobernashon;
- a engaña pueblo di Aruba cu presupuesto irealistico (pues falso);
- a viola su obligashon pa entrega cuenta anual aproba pa responsabilisa su mes;
- a neglisha advertencia y recomendashon pa mehora calidad di gobernashon;
- a neglisha e consecuencianan financiero-economico di nan maneho;
- a neglisha bienestar di pueblo di Aruba.
Pa scapa Aruba for di bancarota total, evita desempleo masal y mehora (calidad di) enseñansa, cuido, e estado di derecho y diversificashon di economia, Hulanda ta pone en total ±Afl. 1 biyon disponibel, mitar na prestamo y mitar na regalo.
Pa evita cu no ta uza e cantidad enorme di placa aki na un manera ineficiente y inefectivo manera sa pasa normalmente na Aruba, Hulanda ta demanda e mesun tipo di supervishon cu e sa tin na Corsow y Sint Maarten (Rft) y su provincia- y municipionan: Zelfstandig Bestuursorgaan (ZBO).
Pero politico di Aruba, cu miedo pa perde NAN ‘autonomia’ cu NAN mes a pone na peliger cu NAN maneho deficiente durante decada, no kier acepta e supervishon y otro condishon di Hulanda. Di otro banda, den varios encuesta na Aruba, un gran mayoria di ciudadano a mustra hopi mas confiansa den e supervishon di Hulanda.
Esaki no ta un bon oportunidad pa e mundo politico refleha seriamente riba su funcshonamento mientras cu pueblo/ciudadano mester refleha riba su expectativanan/relashon pa cu partido politico?
Ban spera cu algo bai cambia. Esei ta mi deseo mas grandi. Mi no ta confia ningun mas cu mi voto, tristo pero berdad. Cada vez atrobe nan ta defrauda nos.
Ta Basta cu abusa di Pueblo laga Hulanda maneha finanza ta Nan ta yuda Aruba cu plaka