Riba dia 26 di februari 2016 a keda constitui e fundashon \u2018Stichting Deugdelijk Bestuur Aruba\u2019 (SDBA). Na Papiamento lo adopta e nomber \u2018Fundashon Gobernashon di Calidad Aruba\u2019 (FGCA) . E meta principal di e fundashon aki ta pa stimula atraves di tur medio legal na su disposishon e practica di bon gobernashon den tur aspecto. Pa logra esaki e fundashon e.o. lo recauda fondo pa facilita investigashon riba tereno specifico cu ta relashona cu bon gobernashon. Ta spera di yega na conclushon basa riba hecho encuanto e situashon actual, y pa aporta cu recomendashon concreto na mehorashon di e situashon cu bista riba futuro.<\/p>\n
E fundashon ta reconoce e trabao cu a ser haci caba den pasado den intento pa mehora calidad di gobernashon, cu a conduci na raport importante manera e conocido raport \u2018Calidad\u2019, e informe di e comishon \u2018Mehran\u2019 (raport di National Committee on Public Finance), y protocol cu a keda acorda entre gremio empresarial, sindicato y gobierno. Ta e intenshon pa tuma tur e iniciativanan di pasado como punto di salida pa investigashon y evaluashon cu lo presenta regularmente.<\/p>\n
Lamentablemente por constata cu 30 a\u00f1a despues di adkiri nos Status Aparte, unda cu nos mester a proba cu nos ta capaz di garantiza bon gobernashon, esey ta leu di ta e caso. Sin pretende di menshona tur area problematico, por bisa cu maneho financiero y di recurso humano, falta di transparencia, funcshonamento di parlamento, maneho economico y integridad, ta area cu merece atenshon. Y como cu no mester sinta warda pa gobernashon mes drecha su mes, ta kere cu ta bira tempo pa cuminsa cu iniciativa di ciudadano pa purba stimula practica di bon gobernashon.<\/p>\n
Pa e investigashonnan cu lo programa, lo haci uso di e servicionan di diferente experto riba e terenonan al caso, pa por garantisa un producto profeshonal y confiable. E fundashon ta posishona su mes como un organismo cu no ta expresa ni apoya punto di vista di ningun partido politico. Mirando e caracter di e trabao cu ta desea di desplega, lo trata na mantene bon relashon cu tur partido, y tambe cu tur entidad den sector publico y priva.<\/p>\n
FGCA kier logra ehecuta su meta den un discushon habri y franco cu tur partido envolvi, no solamente cu (partido) politico, sino tambe cu e gremionan comercial y sindical, y cu agrupashon comunitario. Asina kier crea un plataforma hopi amplio pa crea un Aruba cu ta funcshona segun e principionan di bon gobernashon den un estado di derecho democratico. Si FGCA ta logra su meta, esaki lo resulta di ta e regalo di mas valioso pa comunidad di Aruba na ocashon di su (40 resp. 30 a\u00f1a) celebrashon di himno y bandera y Status Aparte.<\/p>\n
E iniciativa pa lanta e fundashon aki ta ser carga pa sres. Armand Hessels, presidente, Leo Maduro, secretario y Servito Thijsen, tesorero, cu conhuntamente ta forma e promer directiva di e fundashon. Banda di e directiva, e fundashon ta conta cu un \u2018adviesraad\u2019 den cual ta invita persona di cierto prestigio profeshonal, cu ta bay yuda sostene trabao di e fundashon cu nan conseho riba e terenonan den cual e fundashon ta move.<\/p>\n
FGCA<\/strong> Riba dia 26 di februari 2016 a keda constitui e fundashon \u2018Stichting Deugdelijk Bestuur Aruba\u2019 (SDBA). Na Papiamento lo adopta […]<\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[39],"tags":[],"class_list":["post-2848","post","type-post","status-publish","format-standard","hentry","category-nao-categorizado"],"yoast_head":"\n
\nAruba, 26 di februari 2015<\/strong><\/p>\n","protected":false},"excerpt":{"rendered":"