Actitud arbitrario, eskivando ley

Den un estado di derecho democratico, gobernante mester actua segun regla y espirito di derecho y stipulashon di ley. Gobernante cu ta eskiva esakinan segun nan propio punto di bista na beneficio di ‘otro tipo di interes’ ta debilita directamente fundeshi di nos estado di derecho

Pakico actitud arbitrario y eskivashon di ley ta asina dañino pa nos pais?

Gobernante cu ta actua na un manera arbitrario y ta comete acto ilegal ta corompi e confiansa cu comunidad mester tin den su lidernan. Asina tambe nan ta duna e señal cu ley no ta importante y/of no ta conta pa nan.