Di biaha for di inicio di Status Aparte na 1986, finansas publico di Aruba tawata problematico. E situashon aki a empeora den curso di e ultimo 30 añanan a pesar di bon prestashon economico. Intento pa mehora e situashon financiero a conduci principalmente na aumento di impuesto y di premi cu en general tawatin efecto di corto durashon. Aparentemente tawatin forsa trahando cu structuralmente ta(wata) influencia finansas publico di Aruba negativamente.
Un analisis di raport existente di organo di conseho y di control oficial Arubano en berdad ta indica cu patronahe politico, un administrashon financiero deficiente y proyecto dudoso durante henter durashon di Status Aparte a hunga un papel maligno den e proceso politico. Conhuntamente nan ta forma e elementonan principal di e (structuralmente mal) gobernashon cu a hiba. Esaki a conduci na drispidimento extenso di placa y un debe nashonal inaceptabel. Pa hopi hende ta surgi e pregunta di ki manera ta(wata) pone mal gobernashon na Aruba den practica y tambe kico esey ta nifica concretamente pa comunidad.
Como cu na Aruba no tin tradishon di lesa y specialmente generashon hoben apenas tin informashon di e manera real cu nos debe a crece ademas di tur otro problema cu tin di ber cu e crecemento aki, FGCA a dicidi pa mustra e desaroyo aki pa medio di presentashon.