Aki ta trata di negligencia di conseho duna pa instituto constitucional cu tarea specifico di duna conseho y di obstaculisa control riba eficiencia, legalidad y efectividad di su administrashon di personal, finansas y material. Pues ta trata di cu gobernante ta obstaculisa responsabilisashon realistico di nan maneho.
Pakico Obstrucshon di control y responsabilisashon ta asina dañino?
Na momento cu instancia di control ya no por haci nan trabou debidamente, no ta conoci con e situashon real di nos pais ta y ki paso mester tuma pa drecha e situashon. Asina nos pais por sigui deteriora y drenta un spiral cu ta sigui bay abou. Tur hende ta carga e consecuencianan den forma di impuesto mas halto, menos forsa di compra, menos (calidad di) servicio di parti di gobierno, etc. No ta kita e causa como cu no tin bista riba e enbergadura di e daño real. Esaki tin como consecuencia cu e situashon ta sigui empeora.