Mal maneho di personal, finansas y material kier men cu gobierno no ta dispone adecuadamente (o sea no eficiente- y/of efectivamente y/of na un manera ilegal) cu e medionan financiero, di personal y material cu e tin na su disposishon.
Pakico un mal maneho di personal, finansas y material ta asina dañino?
Na momento cu gobierno no ta uza su medionan na un manera eficiente y efectivo, su ‘gastonan di operashon’ ta subi exorbitantemente halto. Esey ta costa comunidad inecesariamente hopi placa. Al fin y al cabo ciudadano y sector comercial mester paga esaki pa medio di impuesto adishonal.