FGCA ta un fundashon cu un cantidad limita di miembro di directiva. E fundashon ta dispone di un Consulta di Conseho, cu hende cu a ocupa posishon importante den instituto di conseho y di control manera Banco Central, Conseho di Consulta, Conseho Socio Economico, Controlaria General, Servicio Central di Accountant, etc. Hunto cu otro cu ta dispone di e experticio y experencia necesario, FGCA ta spera di gana e confiansa necesario pa cu su intenshonnan y e calidad di su productonan.
FGCA ta limita su mes na locual tin describi bou di ‘Locual nos ta haci’ y ‘Nos manera di procede’. E fundashon no ta ocupa su mes cu politica di tur dia. Anke hopi di esey ta aporta na determina e calidad di gobernashon, e lo exihi demasiado di e capacidad limita di e miembro- y medionan di e fundashon pa profundisa den tur esey tambe.