Tanto Armand, Leo como Servito pa basta tempo tawata ocupa nan mes a base individual na critica y na unda tawata posibel, combati mal gobernashon. Aki aya nos a forma parti di un organisashon (Camara di Comercio of un partido politico) pa un tempo relativamente cortico, for di cual nos a menshona regularmente riba forma di mal gobernashon. Atrobe riba un base individual nos (t)a skirbi articulo, nos (t)a duna entrevista na radio of TV pero…esey no tawatin mucho efecto riba e prevalencia y seriedad di mal gobernashon.
Pesey tambe nos a cera cabes pa traha conhuntamente y cu tur enfoke na realisashon di gobrnashon di calidad na Aruba. E amor p’e pais na unda nos tur a lanta y a dedica nos miho añanan laboral, ta haci cu nos no por cera nos wowonan pa e realidad di mal gobernashon cu durante e ultimo tres decada a hinca nos pais den problema cada bes mas grandi.