INTERVIEW IN HET NEDERLANDS
CONTENIDO DI ENTREVISTA CU ANDRE BOSMAN
Bosman 1
Sr. Andre Bosman ta expresa su precupashon pa loke ta e compra of traspaso di e tereno di refineria na San Nicolas. VVD ta interesa pa sa ken ta bay paga, cuanto lo paga y kico exactamente e acuerdonan ta encera. Segun Bosman no tin informashon ni pa VVD, ni pa Parlamento di Aruba cu ta e organo cu mester ehecuta e control riba gobierno y tampoco pa prensa. Por tende di promesa bunita pero na momento di rindi cuenta di con tur cos ta hinca den otro no ta tende ni lesa nada…..
Bosman 2
Sr. Andre Bosman a duna su opinion riba loke ta te realidadnan cu ta biba na Venezuela. E instabilidad politico na Venezuela y hasta e posibilidadnan pa un guerra civil ta razon adishional pa hasi e preguntanan di con por ta posibel cu asina mes gobierno di Aruba ta firma e acuerdonan y te cu awe no kier trece esaki padilanti di tur loke a keda firma. E situashon na Venezuela por ta negativo pa tanto Aruba y Corsow ya cu na Corsow tambe tin un refineria cu ta di PDVSA y cu na e momento aki no ta pasando den su mihor momentonan.
Bosman 3
Pa loke ta e rapport di CAFT y ta ‘parce cu tin mehorashon den e presupuesto di Pais Aruba pero esaki ta -mas of menos-‘. Sr. Andre Bosman ta opina cu e ta precupa pa loke ta e proyectonan di PPP, personal di gobierno di Gobierno y mas cu tur e tin precupashion pa loke por bira e futuro di e refineria. E falta di transparencia ta crea duda serio y pregunta den e pueblo mes pasobra nan no sa pakico nan ta bay paga, ni cuanto nan lo bai paga y pa cuanto tempo nan por bay paga. Segun Bosman e gobierno mes no ta traha e capitalnan necesario pa por cubri e gastonan di e pais. Tur entrada di gobierno ta entrada cu nan ta ricibi y ta na su lugar pa Gobierno por mantene su gastonan na un forma mas responsabel. Bosman ta enfatisa cu e no ta mira un aumento den e entradanan pero si un aumento grandi pa loke ta e gastonan di Gobierno!
Bosman 4
A hasi sr. Bosman e preguntanan relaciona cu e reacshonnan di Staten di Aruba pa loke ta e ‘Bosman Wet. Sr. Bosman ta splica cu e proposishon aki ta andando pa mas di 30 aña caba y cu cada biaha cu busca forma pa finalisa esaki ta tende cu tin problema cu esaki, mientras cu un ley similar ya ta na vigor na e.o. Aruba, Corsow y St Maarten. Bosman a splica cu ta trata di un ley di Hulanda y no un Rijkswet. Ademas Bosman ta kere cu e ley aki niun rato ta mishi cu Aruba. Hulanda a inverti mas di un biyon di Euro pa asina crea oportunidad den e.o. oportunidad socio-economico, programa pa enseñansa y oportunidad pa trabou, pero ta mira cu esaki no ta duna e resultadonan ya cu e.o. e dropouts y criminalidad ta sigi aumenta. Sr. Bosman ta enfatisa cu e ta contento di tende cu Staten di Aruba ta vocifera su preocupashonan pa loke ta e ley aki y ta spera di por logra sinta hunto pa asina por yega na un bon entendimiento pa cu e ley aki. Segun Bosman, “Kansarm na Aruba = kansloos na Hulanda”.
Bosman 5, 14-11-2016
Sr. Bosman ta hopi asombra cu masha tiki hende na Aruba ta haci pregunta tocante e cantidad di incertidumbre cu ta rondona e refineria cu Citgo a ‘cumpra’. Ningun hende sa e detayenan. Esaki ta base pa hopi problema. Y con bin e como parlamentario Hulandes ta precupa su mes mientras e parlamentarionan di Aruba ta keda keto? Nan no ta haci nan trabou y p’e esey ta masha straño mes!